ضغط نفسي

Popcorn_35182 🇪🇬

منذ 13 دقيقة

شعور محبط

احنا بقينا ف زمن عجيب والله تسيب حقك.. تبقى إنسان جميل تطالب بيه .. تبقى صعب ولئيم وبيتخاف منك تسكت على الإساءة .. تبقى محترم وطيب تردّها .. تبقى قليل الأدب ومش متربي تتقبل أفعالهم المؤذية وانت ساكت .. تبقى غالي عندهم تعاملهم بالمِثل .. يبقى قلبك إسود واتغيّرت مضغوط ومستحمل وشايل حمل مش حملك ول

Tofu_50969 🇪🇬

منذ ساعة واحدة

شعور متعب

Peanut_56462 🇪🇬 كل دا أكيد نابع من حاجه انت اتعرضتيلها او موقف حصلت علشان كده حاولى تقلبى فى الدفاتر القديمه وتجيبى اصل المشكلة أو حاجه تانيه بقى مثلاا عندك حاله ادمان لشئ مش كويس ودا بقى حوار كبير لو حابه تتكلمى فيه علشان نوصل لحل للمشكلة تقدرى تتكلمى وانا سامعك

عرض الكل 10 نصيحة

عبّر عن شعورك بشكل مجهول

الايام دي حالتي وحشه من كل ناحيه اجتماعياً انا صحابي كلهم بلا استثناء بعدو عني وعلاقتي بأهلي رسميه وبسيطه بشكل مزعج ومفيش حبيب يسأل ولا يعوض حالتي بقا النفسيه ف انا حرفيا تحت الصفر مفيش حد بيسأل عني مفيش حد بيكلمني مفيش حد يفكر يشوف انا عايشه ولا ميته ولا اي حاجه وحتي الناس الي معرفهاش بحس نظرتها ليا نظره اشفاق علي شكلي وضعفي انا زمان كنت جميله وحلوه انما دلوقتي ملامحي بقت وحشه ومش متقبله ابدأ شكلي بقيت لو حد بصلي مثلا او ولد بيعاكس وانا مع صحابي ف اكيد 100% الكلام مش ليا اصل مين الي عندو مشاكل ف نظرو ده ويعاكسني ولا يبص عليا اصلا دايما بحس بالنقص وسط صحابي والناس واي بنت حلوه انا مبقدرش اقف جنبها لو بصيتلها دقيقتين بعيط علي حالي وازاي وليه انا وصلت لكده اوقات بتعرض للتنمر من اخواتي وامي مش من الغريب حتي لا دول اهلي دايما اي خطوه باخدها ف حياتي حتي لو كانت للأحسن أو مفيده لازم يرجعوني عنها اخر موقف لما قررت اسمع كلام الولد الي كان بيحبني قبل ما يكرهني ويكرفلي لما قالي اداري رقبتي وشعري من الطرحه واستمريت علي كده حوالي اسبوعين وطبعاً امي كانت بتعلق علي الموضوع وتقولي شكلك شبه الستات العجوزه والله مش حلوه وخليها زي الاول وبقت تسألني ايه سبب التغيير يعني ومصممه تعرف اقولها معرفش هي مره واحده كده بس علي مين هي لازم تعرف قولتلها اني حبيت اغير خصوصاً لما جربت الشكل ده وعجبني وخلتني ارجعه زي الاول ومواقف كتير كانت شخصيتي ممحيه وملهاش وجود فيها ودايما بتحرجني بالكلام قدام الناس وانا مش اقصد ابقي بيكمي بس انا بجد بتكسف جدا يعني اتكسف ادخل اشتري حاجه من محل عشان محدش يكلمني أو يسألني عن الحاجه الي انا عيزاها وانا مش بعرف اوصف ولا اتكلم وحتي ف المدرسه كنت بتعمد ابعد عن أي دور أو اي موقف هتطضر اتكلم فيه أو أظهر فيه للناس وكبرت علي ده خلاص انا شخصيتي قرعه بجد نيجي بقا لحوار الولد الي كان بيحبني ده انا وهو عارفين بعض من شهر  الي فات ومن شهر 3 مثلا وهو عايز يعترف بحاجه بس بيخبيها علي طول وينسحب وبعد فتره اختفي من حياتي ومبقاش طايقني كاني عودته وانا ولا عملت حاجه ولا اتنفست حتي ق المضمون انا تعبت من مشاكلي النفسيه بشرتي المتدمره بسبب الضغط والمفروض أننا ف اجازه بقا بس انا بكرهه الاجازه جدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_56720 🇪🇬

منذ ساعتين

شعور مستنزف

Hazelnut_52786 🇪🇬 أول خطوة لازم تطلبي مساعدة حقيقية من متخصص، لأن اللي إنتي فيه مش سهل ومينفعش تواجهيه لوحدك. مفيش أي دواء أو مهدئ هيحل المشكلة، هو بس بيأجل الوجع وبيضمر جسمك ونفسيتك أكتر. اختاري تنقذي نفسك قبل ما توصلي لمرحلة ميكونش فيها رجوع، إنتي تستحقي تبقي بخير بجد مش مؤقت

عرض الكل 17 نصيحة

عبّر عن شعورك بشكل مجهول

جماعه انا بجد محتاجه مساعده عشان بموت بالبطيء ، الموضوع بدأ من سنه ونص كنت بمر ب مشاكل وضغوطات وبالصدفه جه قدامي دوا منوم ومهدئ اخدته مره ولقيت نفسي دخلت ف راحه عمري ماحسيتها ، مره على يوم على اسبوع على شهر دخلت ف ادمان وفلوسي كلها بصرفها على الادويه والمهدئات والمنومات ولو حاولت ابطلها بتعب جامد اوي وبتجيلي اعراض كتير وبتعب مبقدرش وبرجعلها تاني ، بطلتها خالص من شهر 12 اللي فات لا اللي قبله بتاع 2023 ورجعت تاني غصب عني من شهر 4 اللي فات ده وانتكست والموضوع بقى اسوأ من المره اللي فاتت بقيت ممكن اخلص الدوا ف يوم واحد واخش على اللي بعده واخلصه ولو قعدت يوم من غير ما اخدهم مودي بيكون وحش وزي الزفت وبتخانق وبتعصب وبتعب اوي وجسمي بيهلك بطريقه بشعه من غير الادويه دي ، وفعلاً بالادويه دي بكون مرتاحه اوي لما باخدها خصوصاً لما بكون ف ضغط نفسي اخدها اهدى وارتاخ وانسى اللي كنت فيه او اخش انام بالساعات ممكن توصل ل 19 ساعه متواصلين ، بس انا مدركه ومتأكده ان دي كلها شعور مؤقت ومع الوقت كده بموت بالبطيء وانا بتأذي بس مش هيبان دلوقتي هيبان بعد سنين هلاك واهلي لو قولتلهم مستحيل يكونوا داعمين ليا بالعكس هيكونوا ضدي وده هيخليني انتكس اكتر عشان هيزودوا الضغط عليا ف بالتالي هزود من الحاجات دي وممكن توصل لانتحـ///ار عشان اصلا اللي مسكتني ومهديني على الخطوه دي هي الادويه دي هي اللي مصبراني اني مروحش انتحـ///ـر ومقدرش برضو اروح ل دكتور نفسي حاولت ياما ابطلها مع نفسي بكل الطرق معرفتش وبنتكس اكتر و المشكله الاكبر اني عارفه نفسي لو قدرت اوصل للحاجات الاخطر زي المخد//رات هوصلها واخدها ومش هيمنعني حاجه لكن مباخدهاش بس عشان معرفتش اوصلها عشان صعب طبعاً ، ف انا مضمنش هفضل طول حياتي معرفش اوصلها ؟ اكيد هييجي وقت عليا ممكن تعدي ف طريقي ساعتها مش هعتقها ، وحتى لو من غيرها ف الحاجات اللي باخدها دلوقتي ف هي مؤذيه بالفعل ، اعمل ايه ؟؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_38464 🇪🇬

منذ 23 ساعة

شعور محبط

زهقت من الحياة دي الواقع بتاعي ماشي عكس ما انا عايز اي حاجة انا عايزها ف هي مش معايا حرفيا حياة وحشة جدا أهلي وحشين جدا معايا ومضطر اقعد معاهم غصب عني وحياتي كلها بايظة بسببهم ومش عارف اعمل حاجة وحتى اما بقولهم اني هشتغل واستقل ان شاء الله بيتريقوا عليا وشايفيني مش هعرف اعمل كده وان ربنا مش هيوفقني

Coffee_56037 🇪🇬

منذ يوم واحد

شعور محبط

تعبت اني كل شوية اتغذل في حد من صحابي او الناس اللي حوليا...ولازم اطلع ديما انا الغلطان مش بحب اكون لوحدي وبقيت بخاف اعرف ناس جديدة حتى مخي بقى يتشتت كتير اوي

Tofu_30389 🇪🇬

منذ يوم واحد

شعور متعب

فات تلت ايام بس من الإجازة وحتى النهار ده تاني يوم العيد ونكد قايم في البيت وساحبين التيلفون ومعاملة مش كويسة بجد مش قادرة اتفاهم معاهم ومتضايقة اوي وبدأ بقى شغل قومي اشتغلي ونضفي واطبخي مع امك وبجد الموضوع بقى يخنق اوي أنا أصلًا طالعة من فترة الامتحانات فيا الي مكفيني ومخنوقة على الاخر وهما كانوا ش

Apple_56039 🇪🇬

منذ يوم واحد

شعور مزعوج

السلام عليكم عايز احكي معاكم في حاجة خناقني الفترة دي حصل مشكلة في الشغل واتهمت بالسرقة وقالولي في الشغل يا تدفع خمس تلاف جنية يا نطلب البوليس وتتسجن كنت عامل شهادة بنكية ب خمس تلاف وكسرتها وخده الفلوس المشكلة ان زميالي كلهم اعترفو عليه ان انا اللي خد عايز اعرف اعمل ايه مش حاسس باسستقرار نفسي في شغ

Hazelnut_52786 🇪🇬 اللي حصل معاك قهر وظلم كبير، خاصة لما ناس حواليك يشهدوا عليك زور، وده يوجع نفسياً جداً. بس خليني أقولك 3 حاجات تمسك فيهم: 1. لو عندك أي دليل أو شهود يثبتوا براءتك، حتى بعد الـ3 شهور، حاول تتحرك قانونيًا، ممكن تروح لمحامي وتشرح له التفاصيل. 2. اللي اتظلم مره، ميتظلمش مرتين، متسكتش عن حقك تاني، ولو مش مرتاح في الشغل ده وبيهدد استقرارك النفسي، شوف البديل وخطط تطلع منه.

عرض الكل 8 نصيحة

Mango_55790 🇪🇬

منذ يوم واحد

شعور قلق

انا مخنوقه جدا حسه ان قلبي موجوع اوي ممكن اخد رايكم انا كنت متجوزه واحد وطلع مش طبيعي واتطلقت عنه سيبتله كل حاجه وانفصلت من ٣ سنين كل لما يعرف ان حد متقدملي بيمشيه عشان كان بيحاول يرجع المهم لما عرف اني اتخطبت خربلي الدنيا وتهديدات لاخويا وخطيبي وليا وعملت محضر وخدوه وخطيبي كان واقف معايا بس في الاخ

Strawberry_55445 🇪🇬 ده ابتلاء ادعي كتير احنا في ايام جميلة ربنا يبعد عنك شره، باذن الله خطيبك هيبقي متفهم اللي حصل و عداه و غير كده في احنا ١٠٠ مليون مش بتقف علي حد واعلم أنَّ الأُمَّةَ لو اجتمعت على أن ينفعوكَ بشيءٍ لم ينفعوك إلَّا بشيءٍ قد كتبه اللهُ لك، ولو اجتمعوا على أن يضرُّوكَ بشيءٍ لم يضروكَ إلَّا بشيءٍ قد كتبه اللهُ عليكَ، جَفَّتِ الأقلامُ، ورُفِعَتِ الصُّحُفُ

عرض الكل 3 نصيحة

Coffee_55636 🇪🇬

منذ يوم واحد

شعور متعب

بمر بظروف نفسية سيئة جدا اليومين دول بسبب ان مفيش امتحان دخلته بعد البكالوريوس ونجحت فيه بس علي النقيض شاطر ف الشغل (بشهادة من حولي)آجي بقي في الاختبارات الاكاديمية مبعرفش الالف من الكوز الدرة 🥲 تكرر دخولي امتحان ٤ مرات وبرضو مش عارف اعدي وقبله كان امتحان تاني (زي دبلومه كده) وبرضو لم أوفق مش عار

Sugar_51886 🇪🇬

منذ يومين

شعور محبط

حابه اقول بس شويه حاجات جوايا معرفش حصلي ايه فجأه بس لقيت نفسي أشد عصبيه و خلقي ضاق مع اني كنت بتحكم في اعصابي في بعض الأحيان وكان صبري طويل كمان ولكن لقيت نفسي كده وبقيت بحس ببركان غضب و بقيت اعيط كتير لوحدي وأوقات تانيه معرفش اعيط وابقى مش قادره اتكلم انا بقيت مضغوطه نفسيا و مضغوطه جدا ومع

Avocado_26405 🇪🇬

منذ 4 أيام

شعور مكتئب

اعتقد انه كان عندى اكتئاب لحوالى سنة ونص عرفت ده لما لقيت الأعراض كلها عندى فى كتاب جلسات نفسية وبعدها بفترة كبيرة لقيت اختبار لوزارة الصحة والنتيجة أنه كان عندى فعلا ده غير افكار الموت والنهايه اللى مكنتش بتفارقنى لكن الحمدلله انى شخص واعى و ده خلانى منتحرش حتى لو كنت هعمل كده غصبن عنى بدون وعى فب

Pineapple_40254 🇪🇬 روقى بس روحى مستشفى الجامعه وتابعى مع دكتوره مش دكتور علشان تعرفي تحكى براحتك التذكره بخمسه جنيه او عشره حتى لو عندك اكتئاب متحطيش فى بالك وعيشي حياتك وروحى مستشفى الجامعه قسم النفسيه والعصبيه او الطب النفسي وقوليلهم محتاجه اتابع مع دكتوره

عرض الكل 13 نصيحة

Donut_50330 🇮🇹

منذ 5 أيام

شعور مرهق

بكره الفصل بتاعي هيمتحن و أنا أعده ف البيت تخايلو كده انتو عارفين أنا حساه ب اي حاجه أني مش قادرة نفسي كل ده يكون حلم ولله ولله نفسي علشان مش قادره اصدق فعلا مش عارفه يعني أنا الوحيده الي اعده ف البيت و هما بيمتحنو تخايلو و مفيش حد يقولي انا حاسه بيكي او أنا حاسس بيكي علشان انتو مش مكاني مفيش حد هيح

Tofu_19483 🇪🇬

منذ 5 أيام

شعور مرهق

عبّر عن شعورك بشكل مجهول

الاقتباس ده بيمثلني حقيقي
مثل شخص يسقط من الطابق الخمسين ويعجب بزهور الشرفات التي يمر بها في دربه إلى الموت
أنا حياتي بقت صعبه ف كل حاجه أنا لسه بتعالج من المرض الحقير ده بس كل الرعب ف قلبي علشان نوع الخلايا اللي عندي من أشرس أنواع الخلايا السرطانية وأنا حياتي بقت كلها قلق وخوف وضغط لا مني عارفه هعيش ولا هموت ولا ايه دنيتي مع المرض الزفت ده ولا ايه النهايه يا ترى بجد مين فينا هيكسب التاني!
مبقيتش قادره أستحمل وتعبت ونفسيتي تعبت من كتر الضغوطات اللي بعيشها ف سن المفترض إني أكون بعيش شبابي فيه،مش عارفه أقول ايه لكن بما إننا ف أيام جميله ف أنا أكتر واحده فيكوا محتاجه الدعاء و ف أمس الحاجه لكل دعوه ومش هفكركوا ب إن الدعوه بظهر الغيب مستجابه بإذن الله 
متنسوش تدعولي أستحلفكم بالله تدعولي علشان أنا مش عارفه يعني إذا كنت هعيش ولا لا بس أتمنى لو ربنا كتبلي عمر يكون عمر مليء بالطاعه والقرب منه ولو مكتبليش عمر يتجاوز عن سيئاتي ويغفر لي ويرحمني ويدخلني الجنه
ادعولي كتير
وبفكركم إنكوا متنسوش إن طالما عندكوا نعمة الصحه فكأنما حيزت لكم الدنيا ومتنسوش إن كل ما دون الصحه والأهل دون ولا تزعلوا نفسكوا الزعل آخرته وحشه زي ما انتوا شايفين كده أنا الكانسر جالي م الزعل ف معلش هتستفادوا ايه لما لقدر الله صحتكوا تتبهدل ؟
ولا أي حاجه ف ف ستين داهيه أي حاجه ما دام صحتكوا وأهلكوا بخير ومتنسوش تحمدوا ربنا على كل النعم ومتبصوش للي ف إيد غيركوا مهما كان اللي ظاهرلكم علشان الظاهر حاجه والباطن حاجات تانيه خالص
لا تنسوا أختكوا توفي الصغيره من الدعاء♥️
جزاكم الله بالأضعاف المضاعفه من دعائكم لي وجبر قلوبكم بما تتمنون♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_55001 🇪🇬

منذ 6 أيام

شعور قلق

موضوع:

مشاكلك في الشغل

انا بشتغل ف بنك مش ف فرع زي ما انتو متعودين انا تبع الاداره بيبقا شغلي ف المبيعات طول اليوم بره البنك ماليش مواعيد محدده بس ف الغالب من ١٢ ل ١٠ كل يوم بقبض ٦٠٠٠ جنيه ف الشهر انا عندي ٢٥ سنه قبضي كله تقريبا بيتصرف انا محبط و متدمر نفسيا انا مش عارف اعمل لنفسي حاجه وكل الل حواليا بيقولولي اصبر ٣ او

Cookies_54909 🇸🇦 الصبر والاجتهاد هما مفتاح النجاح، لا تستسلم لليأس أو الضغوط، استثمر وقتك في تطوير نفسك وخطط لمستقبلك، واثق بقدرتك على التغيير مهما كانت الظروف.

عرض الكل 5 نصيحة

Cheese_44630 🇪🇬

منذ 6 أيام

شعور متعب

جماعه حوار وحش اوي ان يكون في ناس تضغط على الواحد عشان الحاجه اللي هما عايزينها تمشي و مبيقدروش ظروف حد و لا بيريحو اللي قدامهم و تبقا مضطر تقولهم اسباب و تبرر كتير و تطلع برضو الغلطان مع ان مفيش في ايدك حاجه و هما مبيفكروش غير في نفسهم بطريقه انانيه مع انك بتيجي على نفسك كتير عشانهم و عارفين ان مفي

التجربة أفضل عبر التطبيق

حمّل تطبيق توهيل على هاتفك لتجربة أسرع